
MKG: Bila rojnameger Sevda Erkilinç were berdan 

2025-06-20 13:47:23


	&nbsp;

	STENBOL - MKG’ê ji bo rojnameger Perîhan Sevda Erkilinç daxuyanî da û xwest were berdan.&nbsp;

	&nbsp;

	Komeleya Rojnamegerên Jin a Mezopotamyayê (MKG) têkildarî nûçegihana rojnameya Ozgur Gelecekê Perîhan Sevda Erkilinç ku li Girtîgeha Jinan a Bakirkoyê tê ragirtin û nexweşa çolyakê ye, li avahiya Şaxa Komeleya Mafên Mirovan (ÎHD) a Stenbolê daxuyanî da. Di daxuyaniyê de pankarta “Çapemeniya azad bêdeng namîne” û wêneyên Perîhan Sevda Erkilinç hatin hilgirtin. Gelek rojnameger û nûnerên partiyên siyasî û rêxistinên civaka sivîl tev li bûn.&nbsp;

	&nbsp;

	ROJNAMEGERÊN JIN HEDEF TÊN GIRTIN&nbsp;

	&nbsp;

	Li ser navê MKG’ê Yadîgar Aygun daxuyanî da û got ku li Tirkiyeyê zextên ser rojnamegeran her ku diçe zêdetir dibin û rojnamegerên jin hedef tên girtin. Yadîgar Aygun, diyar kir ku îktîdar hewl dide bi zextên sîstematîk dengê jinan, sosyalîstan, kedkarên çapemeniya azad û muxalîf bi girtin û binçavkirinan qut bikin. &nbsp;Di berdewamê de Yadîgar Aygunê got ku ew ji bo bibin dengê rojnameger Perîhan Sevda Erkilinç hatine cem hev.&nbsp;

	&nbsp;

	Yadîgar Aygunê bi bîr xist ku Perîhan Sevda Erkilinç nexweşa çolyakê ye, li girtîgehê xwarinên wê yên bêgluten nayên dayin, rastî binpêkirinên mafan ên giran tê û xwest tavilê were berdan.&nbsp;

	&nbsp;

	POLÎTÎKAYA CEZAKIRINÊ

	&nbsp;&nbsp;

	Ji Jinên Yenî Demokratê Nurgul Ucî, endamê Komîsyona Girtîgehan a ÎHD’ê Mehmet Acettîn û ji Kovara Onsozê Ozlem Oral jî xwestin Perîhan Sevda Erkilinç tavilê were berdan.&nbsp;

	&nbsp;