Dikandarên erdexanî û qersî anîn ziman ku êdî mirov ne li debara mehane li ya rojane difikirin û gotin: "Pirsgirêk bêyî demokrasî û edaletê çareser nabe."
Konseya Çandiniyê ya Amedê bi beşdarbûyîna gelek saziyan li Amedê hat damezrandin.
Rojnamevan Ertûgrûl Mavîoglû diyar kir ku desthilat û muxalefeta ku êrişên li ser kurdan pesend dikin, dibin sedema xizaniyê û got: "Şer, li Tirkiyeyê komeke zengîn afirand. Pereyê ku ji bo parastinê hatiye veqetandin, dê li zavayan bê payêkirin."
Li gundê Rihaniyê yê li quntara Çiyayê Cûdî jinan dest bi berhevkirina fistiqan kir û ew ji nezêdekirina bihayê fistiqan bi gilî û gazin in û dixwazin ku ew heqê keda xwe bistînin.
Budçeya sala 2024’an ku tê texmînkirin bi giştî 11 trilyon û 89 milyar be îro pêşkêşî Komîsyona Plan û Budçeyê hat kirin. Di budçeyê de tê texmînkirin ku trîlyonek û 133 milyar û 500 milyon lîre ji bo “parastin û ewlehiyê” bê veqetandin.
Li Wanê kirêya xanî û kargehan di salekê de 4 qatan biha bû. Esnafan diyar kir ku dahata wan di biniya mesrefên wan re ye û gotin ku hatine asta ku dikanên xwe bigirin.
- Bi zema nû ya li motorînê hatiye kirin re bihayê lîtreyê 40 TL derbas kir.
Seroka Giştî ya DÎSK’ê li dijî bêedaletiya di bacê de daxwazan eşkere kir û hemû aliyên daxwaza “edaleta bacê” dikin vexwend mitînga dê li Qada Kartalê li dar bixin.
Agir bi Kooperatîfa Êm û Kayê ya Gola Wanê ketibû û 20 milyon zirara esnafan çêbûbû. Esnafên ku alîkariya wan nehat kirin, ji wan hatiye xwestin ku dikanên xwe vala bikin.
Sewalvanan diyar kir ku ji ber bihabûna fiyetê êm û kayê dixisirin û sewalvanî hatiye asta qedandinê.
ÎSÎG’ê ragihand ku di 9 mehên ewil ên sala 2023’yan de hezar û 409 karkeran di cînayetên kar de jiyana xwe ji dest dan û ji van karkeran 44 jê zarok in.
Gelê Colemêrgê diyar kir ku ji ber pirsgirêka kurd krîza aborî ya li welat kûr bûye û wiha got: “Hemû dahat ji şer re tê xerckirin. Çareserî bidawîbûna şer e.”
Li Enqereyê di madeneke komirê de hezaz çêbû û 15 karker birîndar bûn.
Tiriyê ku îsal li rezên gundê Eskar a Pasûrê hatin komkirin gelek berhemdar nebûn. Ji tiriyê van rezan şire, bastêq û benî tê çêkirin.
Li gorî ENAG’ê; rêjeya enflasyonê ya di navbera mehên çile û îlona 2023’yan de ji sedî 95,33 ye.