Hevseroka Giştî ya DEM Partiyê Tulay Hatîmogullari li ser berxwedana serdemê ya li dijî desteserkirina îradeya gel a li Wanê û tayînkirina qeyûm li Şaredariya Bajarê Mezin axivî û diyar kir ku di salvegera Rêberê PKK’ê Abdullah Ocalan de qeyûm tayînî şaredariyê hatiye kirin û destnîşan kir ku çi dibe bila bibe ew ê dev ji têkoşînê bernedin.
Hevserokê Giştî yê DBP'ê Keskîn Bayindir der barê hevdîtina bi Mesûd Barzanî re axivî, diyar kir ku wan peyama Abdullah Ocalan ragihandiye.
Daîreya Ragihandinê ya Rêveberiya Xweser a Bakur û Rojhilatê Sûriyeyê rojnamevan Egîd Roj ku di encama êrişa dewleta Tirk de li Bendava Tişrînê şehîd bû bi bîr anî û bang li saziyên navneteweyî kir ku li hemberî êrişên dewleta Tirk a dagirker ên li ser gelê herêmê û rojnamevanan bêdengiya xwe bişkînin.
Civîna şandeya Îmraliyê ya bi serokê PDK’ê Mesûd Barzanî re, bi dawî bû.
Şaredariya Bajarê Mezin a Wanê ku cara sêyem hat desteserkirin, ji aliyê qeyûman ve hat talankirin, mal û milkên wê hatin firotin, qase hat valakirin û projeyên civakî hatin betalkirin.
Şaredariya Mezin a Amedê, studyoya tomarkirina dengê ku nêzî heşt salan bû neçalak bû, nû kir û Projeya Pirtûkxaneya Dengî ku dê ji bo kesên bi astengiya dîtinê were bikaranîn, ji nû ve da destpêkirin.
Seher Mohammedî ya ku li Behra Egeyê birayekî wê û bavê wê jiyana xwe ji dest dan, diyar kir ku ji ber pêlên ku ewlekariya peravê çêkirine bota wan noq bûye û got: "Me dikir gazî û hewar. Me didîtin, lê reqs dikirin."
Karkerên ku li Herêma Pîşesazî ya Organîze ya Başpinarê li dijî mûçeyên kêm dest ji kar berdan, diyar kirin ku heta daxwazên wan neyên qebûlkirin dê têbikoşina wan bidome û peyama "Em pergala koletiyê qebûl nakin" dan.
Li tevahiya bajarên Bakur û Rojhilatê Sûriyeyê bi sedhezaran kes bi boneya komploya navneteweyî ya 15’ê Sibatê daketin qadan û bi daxwaza “Ji Abdullah Ocalan re azadî” meş lidar xistin.
Bi boneya salvegera komploya navneteweyî ya 15’ê Sibatê bi pêşengtiya TJA’yê daxuyanî hate dayin û wiha hate gotin: “Azadiya fîzîkî ya Ocalan misogeriya azadiya tevahiya gelên herêmê ye.”
Îdianameya rojnameger Reyhan Hacioglu hat amadekirin û di îdianameyê de hemû xebatên rojnamegeriyê wek sûc hatin hesibandin.
Komploya Navneteweyî ya 15’ê Sibatê li gelek bajaran hate protestokirin. Di çalakiyan de daxwaza azadiya fîzîkî ya Abdullah Ocalan hate kirin û wiha hate gotin: “Em ê vê roja reş veguherînin roja azadiyê.”
Li Amedê bi tevlibûna bi hezaran kesan meş hat lidarxistin. Berdevka Meclisa Jinan a DEM Partiyê Halîde Turkoglû di çalakiyê de got: “Ji bo Ocalan di şert û mercên azad de muzakereyan bike em ê li ber xwe bidin.”
Di çalakiyên li Stenbol û Enqereyê de hat xwestin ku girtiyên nexweş Cemîl Îvrendî û Emrah Nebîoglû bên berdan.