Di doza qetilkirina Narîn Guranê de bersûc Nevzat Bahtiyar ji sûcê “cînayetê” beraet kir. Parêzer Derya Yildirim û Aydin Ozdemîr diyar kirin ku biryara beraetê ya ji bo Bahtiyar biryareke xelete û wiha gotin: “Biryara derheqê bersûc Nevzat Bahtiyar de wijdana civakê rehet nekiriye.”
Kolberekî li ser sînorê bajarê Baneyê yê rojhilatê Kurdistanê ji ber sermayê jiyana xwe ji dest da.
Girtiyê nexweş Burhan Adsiz ku li Girtîgeha Tîpa F a bi Ewlekariya Bilind a Wanê dihat ragirtin û 3 roj berê rewşa wî giran bû, rakirin nexweşxaneyê.
Li Wan û Colemêrgê ev 2 roj in berf dibare û ji ber barîna berfê rêyên 214 gund û mezrayan hatin girtin.
Hunermendên Kurd bertek nîşanî êrişên ser Bakur û Rojhilatê Sûriyeyê dan û wiha got: “Rojava, stran û helbestên me ye. Wer in, em bi hev re ji bo Rojava bibin dengê azadiyê.”
Rêberê PKK’ê Abdullah Ocalan di hevdîtina duh de diyar kir ku jinûvexurtkirina biratiya Tirk-Kurdan ji bo diyarkirina qedera hemû gelên herêmê pir girîng e û wiha got: “Ez amade me ku gava erênî biavêjim û bangawaziya pêwîst bikim. Ji bo Tirkiye û herêmê dem dema aştî, demokrasî û biratiyê ye.”
Dayikên Aştiyê piştgirî dan çalakiya nobedê ya li ser sînorê Nisêbîn-Qamişlo û gotin, "Bêdengiya li hemberî êrîşan hevpariya sûc e. Divê kes li mala xwe bi rehetî rûnenê."
Welatiyên beşdarî kongreya DEM Partiyê ya Bazîdê bûn diyar kirin ku ew hevdîtina parlamenterên DEM Partiyê ya bi Abdullah Ocalan re girîng dibînin û gotin: “Êdî dema azadiya Abdullah Ocalan hatiye.”
Kesên di sala 2014’an de li dijî êrişa DAIŞ’ê ya li ser Kobanê li ser sînorê Pirsûsê bi rojan nobet girtin û piştî 10 salan dîsa hatin ser sînor, diyar kirin ku ew ê bi ruhê 2014’an li ber xwe bidin û wiha gotin: “Kobanê neket û dê nekeve.”
Hevseroka MED TUHAD-FED’ê Pinar Sakik Tekîn diyar kir ku dê kampanyaya “Ji Abdullah Ocalan re azadî, ji bo pirsgirêka Kurd çareseriya demokratîk” di sala nû de jî bidome û wiha got: “Divê her kes ji bo aştiyeke birûmet xwedî li vê kampanyayê derkeve.”
Di doza Narîn Guranê de şandeya dadgehê piştî navberê biryara xwe da. Dadgehê, cezayê muebbeta girankirî da Yuksel, Enes û Salîm Guran. Her wiha 4 sal û 6 meh cezayê hefsê da Nevzat Bahtiyar.
Çalakiya nobedê ya li ser sînorê Kobanê-Pîrsûsê ya li dijî êrişên li dijî Bakur û Rojhilatê Sûriyeyê li gel hewaya sar jî di roja xwe 6’emîn de didome. Di çalakiyê de banga mezinkirina nobedê hat kirin û wiha hat gotin: "Parastina pergala Rojavayê peywira me hemûyan e."
Di bîranîna ku di 13'yemîn salvegera Komkujiya Roboskê de hat lidarxistin de, hat diyarkirin ku têkoşîna hesabpirsînê dê bidome.
Di çalakiyên ku ji bo balê bikişînin ser rewşa girtiyên nexweş li 3 bajaran hatin lidarxistin de, doza berdana Besna Erol, Kemal Erturk û Fevzî Arslan hat kirin.