Serokê DYA’yê Donald Trump têkildarî êrişên Îsraîlê yên li dijî Îranê axivî û got: “Ji bo lihevkirinê min şens li ser şensî da Îranê. Êrişên din dê bêrehmtir bin. Divê lihev bikin.”
Îsraîlê ragihand ku qonaxa ewil a êrişên li dijî Îranê temam bûye.
Nûnertiya Daîmî ya NY’ê li dijî êrişên Îsraîlê, banga civîna lezgîn li Konseya Ewlekariyê ya NY’ê kir.
NATO’yê têkildarî êrişa Îsraîlê ya li dijî Îranê daxuyanî da û êriş weke “çalakiyeke yekalî” nirxand.
Prof. Miloon Kotharî, diyar kir ku fikrên Abdullah Ocalan û yên Gandhî dişibin hev û got: “Dema min nivîsên wî xwendî, min dît ku rêberekî di asta kûrewî de ye. Divê berê me li Abdullah Ocalan be.”
Îranê, li şûna Serfermandarê Giştî yê Artêşê û Fermandarê Giştî yê artêşa Muhafizên Şoreşê ku hatibûn kuştin, ji bo demekê hin kesên nû wezîfedar kir.
Artêşa Îsraîlê ragihand ku Îranê zêdetirî 100 balafirên biçek ên bêmirov ji bo êrişê şandiye.
Serokê DYA’yê Trump ragihand ku heke Îran bersivê bide ew ê Îsraîlê biparêzin.
Wezîrê Veguhestinê yê Iraqê diyar kir ku tevahiya geştên hewayî ji bo demekê dane sekinandin.
Di êrişa Îsraîlê ya li dijî Îranê de Fermandarê Artêşa Muhafizên Şoreşê Huseyîn Selamî, Serfermandarê Giştî yê Artêşê Muhammed Bakirî û hinek zanyarên nukleerê hatin kuştin.
Wezîrê Karên Derve yê DYA’yê Marco Rubio diyar kir ku di êrişa Îsraîlê ya li dijî Îranê de roleke wan tune ye.
Serokwezîrê Îsraîlê Binyamîn Netanyahu, têkildarî êrişa ser Îranê got: “Ev operasyon, heta ku gef bi temamî ji holê tê rakirin dê bidome.”
Îsraîlê, piştî êrişa li dijî Îranê li seranserî welat rewşa awarte ragihand.
Rêberê olî yê Îranê Ayetullah Alî Hamaney têkildarî êrişên Îsraîlê got: “Îsraîlê ji bo xwe dawiyeke biêş amade kir.”
Li Hindistanê balafireke rêwiyan ku 242 kes lê siwar bûn, kete xwarê.