Parêzer Îsmaîl Hakki Atal, diyar kir ku derz li hîmê reaktorê ewil ê Santrala Nukleerê ya Akkûyûyê ketiye û ev yek ji bo pêşerojê dê bibe cihê talûkeyek mezin. Atal, anî ziman ku zemîna heyî ne zemîneke qayîm e û wan ev yek bi delîlan aşkere kiriye, lê dîsa jî heyeta pêzaniyê ji bo zemîna etutî nimûne negirtiye.
Yek ji herêmên bihar lê xweş derbas dibe gundên herêma dikeve navbera navçeyên Farqîn û Pasûrê. Li vê herêmê bihar bi hemû reng û xemla xwe xweşikiyê radixîne ber çavan. Çiyayê Mereto bi berfa xwe ya spî ahengiyek xweşikiyê bi kulîlk û bihara vê herêmê re dike yek.
Hat zanîn ku Bendava Ilisû ya ku dê Heskîfa xwedî dîroka 12 hezar salî û gellek gund û eraziyên gundiyan di bin de bimîne ji 10’ê hezîranê şûn ve dê avgirtin dest pê bike.
Derhêner Alî Ergul, bilêv kir ku rojeva sereke ya Forûma Avê ya Mezopotamyayê texrîbatên ku dê Bendava Ilisûyê li erdnîgariya Mezopotamyayê çêbike bûne.
Li Geliyê Mamedîka Wanê piştî helandina berfê ya li hin deveran pîvok şîn bûn û adeta bi bejn û bala xwe mizgîniya biharê didin nîşandan.
Ji hilbijartinê re hefteyek ma. Berdevkên Demî yên EGEÇEP'ê Alime Mitap û Husnu Dîllî, ji kesên bên hilbijartin xwestin ku xwezayê biparêzin. Berdevkan, anîn ziman ku gel ji hilbijêran dixwazin ku xwezayê biparêzin.
Li Heskîfê pira ji bo veguhestina berhemên dîrokî hat ava kirin, dibe sedemê rê girtina koçkirina masiyan. Tevî ku qedexe ye jî masîvan li ber lingê pire masiyan digirin. Şêniyên navçeyê bertek nîşanî girtina masiyan bi vê rêbazê da.
Li Gazîemîrê, bi salan e pirsgirêka bermayîyên fabrîkaya zirincê nayê çarserkirin. Ekolojîst Ertûgrûl Barka got: "Fabrîkaya zirincê dibe sedema radyasyonê. 3 sal in ji bo berterefkirinê tu tişt nehatiye kirin."
Şîrketa Hilberîna Ceryanê ya TEMS Biyoenerjî dixwaze li ser ava Çemê Asî ya li qada 3 hezar û 500 donim Santrala Enerjiyê ya Biyokutle çê bike. Tê payîn ku bi çêkirina vê santralê re hemû avên derdorê biçikin û qirêj bibin.
Rêxistinên civakî û pîşeyî biryara DMME ya der barê Heskîfê de nirxandin û diyar kirin ku têkoşîn bi dawî nebûye û têkoşîn dê bidome û wiha got: "Bi qasî têkoşînê rizgariya Heskifê nêzîk e."
Nûnerên saziyên sivîl ên Êlihê bertek nîşanî biryara DMME'yê ya ji bo Heskîfê dan û gotin: "Bi redkirina biryara ji bo Heskîfê re carek din çavê xwe li hember talankirina mîrateya dîrokî girtin e."
Li Colemêrgê, pezkoviyên di salên darbasbûyî de pir zêde dihat dîtin û ji ber nêçirtiya qaçax ber bi tunebûnê ve ne, daketin berpalên Çiyayê Sumbulê.
Leyla Çiyanşen a di nobeta JES’ê ya li Kizilcakoyê de cih digire, bertek nîşanî çêkirina JES’an da û got: “Ji xwe me axekê ku em piyê xwe danin ser jî nehiştin. Divê em hemû çavên xwe vekin û bi aqil tevbigerin. Emê rabin ser piya û heya Enqerê bimeşin. Bi vî awayê emê mafê xwe bi dest bixin.”
Projeya Qenal Enqere ku piştî Melîh Gokçek ji peywirê hat girtin, careke din ket rojevê. Serokê Şaxa Odeya Mîmaran a Enqereyê Tezcan Karakûş Candan, bilêv kir ku ev proje projeyeke mezin a rantê ye û ji bo hilbijartinê careke din ketiye rojevê.
Li Semsûrê, çend dildarên hawirdorê ji bo darên berû yên hatin tunekirin ji nû ve jîndar bikin, tovên berûyan diçînin. Alî Polat got: "Ger li vir darek zirarê bibîne, li Behra Reş daristanek tune dibe. Divê heman hesasiyet ji bo her derî hebe."