Rêxistinên rojnamegeran ên Herêma Federe ya Kurdistanê bertek nîşanî qetilkirina rojnameger Nazim Daştan û Cîhan Bîlgîn dan û gotin: “Dewleta tirk bi qetilkirina rojnamegeran re sûcê şer kiriye û em bi tundî şermezar dikin.”
Helîkoptera ambulans ku ji Nexweşxaneya Perwerde û Lêkolînê ya Mûglayê rabû, kete baxçeyê nexweşxaneyê. Li gorî agahiyên destpêkê, 4 kesan jiyana xwe ji dest dan.
Berdevka Meclisa Jinan a DEM Partiyê Halîde Turkoglû diyar kir ku ew ê rê nedin DAIŞ û yên mîna wê dîsa bên zindîkirin û sûcên wan bên rewakirin û wiha got: “Parastina şoreşa jinê ya Rojava, parastina aştî, azadî, wekhevî û jiyanê ye.”
Dewleta tirk û komên wê yên paramîlîter gundên Girê Spî û Kobanê topbaran kirin.
Evîn Kara ku 34 salan li her çar parçeyên Kurdistanê têkoşîneke bênavber da û di şoreşa jinê de cihê xwe girt. Xwarziya Evîn Kara, Suna Kara wiha got: “Tenê bihosteke xaka Kurdistanê nemaye ku şopa heval Evînê li ser nebe. Evîna me kuştin lê bi hezaran Evîn li Kurdistanê şîn bûn."
Rojnamegeran diyar kirin ku qetilkirina her rojnamegerekî/ê sûcekî navneteweyî ye û xwestin têkildarî qetilkirina rojnameger Nazim Daştan û Cîhan Bîlgîn lêpirsîn bê destpêkirin.
Ji ber nûçeya “Rojnameger Nazim Daştan û Cîhan Bîlgîn li Sûriyeyê hatin kuştin” derheqê T24’ê de û ji ber parvekirinên têkildarî qetilkirina rojnamegeran, derheqê rojnameger Seyhan Avşar de lêpirsîn hate destpêkirin.
DFG û MKG ji bo rojnameger Cîhan Bîlgîn û Nazim Daşdan ên li Rojava hatin qetilkirin li ser sînorê Qamişlo daxuyanî dan û gotin: "Ji bo em xwedî li têkoşîna Rojava derkevin em li vir in. Em wekî çapemeniya azad dest ji pênûsê û heqîqetê bernadin."
Di daxuyaniya li Rihayê ya ji bo rojnameger Cîhan Bîlgîn û Nazîm Daştan ên hatin qetilkirin de hat diyarkirin ku rojnameger her tim bûne dengê heqîqetê û wiha hat gotin: “Heta kêliyên xwe yên dawî bûn dengê Rojava. Em ê kamera û pênûsên wan li erdê nehêlin, çi dibe bila bibe."
Di çalakiyên ku li Stenbol û Enqere hatin kirin de hate ragihandin ku rewşa girtiyên bi nexweşiya Wernîcke Korsakoff û girtî Mustafa Karatepe giran e û hate xwestin ku demildest bên berdan.
Li 4 bajaran xizmên windayan û endamên ÎHD’ê lêgerîna edaletê domandin. Di çalakiyan de qetilkirina rojnamevan Nazim Daştan û Cîhan Bîlgîn hate protestokirin.
Dayikên Şemiyê aqûbeta Îsmaîl Bahçecî yê ku 30 sal berê di binçavan de hatibû windakirin pirsîn û doza edaletê kirin.
Di çalakiya ku li ser sînorê Nisêbîn-Qamişlo didome de qetilkirina rojnamevan Nazim Daştan û Cihan Bîlgîn hat protestokirin
Di daxuyaniya ji aliyê HPG'ê ve hat dayîn de, hat diyarkirin ku hêzên PDK'ê li Avaşînê kemîn daniye pêşiya yekeyeke wan û gule li wan reşandine.